පරමත්ථ පාරමී

රෑ මැදියමේ වෑබඩ
පිපාසිත හිවලුන්ගෙ හූ හඬ
සොයුර ගියේ දැයි හිමයට
විප්ලවයෙ සකසන්න මුවහත

බත් කඳුළකට ලොබ බැඳ
හඬා නිදියති දරුකැල
හෙට දිනන ලෝකය
ඇගේ වතෙහිත් සොයුර දුටුවෙද?

දුරුතු සීතල පලවමින
පරාර්ථයෙ ගිනි පුලිඟු දල්වන
එනතුරා ඔබ, දෙණියේ මංකඩ
නපුරු මිනිසුන් සැඟව සිටියද?

බියකරුය මේ අමාවක රැය
පිනි වැටෙයි තණ අගින් සුළඟට
හෙමි හෙමින් පුරවන්න සඳවත
හදවතින් රතු උරාගත්තද?

හිරු නොමැති දිනයක් උදා වී
නුගරුකේ පත් නිසොල්මන් වී
විමුක්තියෙ රන් කෙතට ලෝල වී
පිරුව ඔබ පරමත්ථ පාරමී

අජිත් ලියනගේ