රිය අනතුරු බහුල කාලයක්
තමාගේ රජ භවන වූ මකර රාශියෙහි ආපසු ගමනින් යමින් සිටින අඟහරු 2018 අගෝස්තු 28 වන කුජ දින එම ආපසු ගමන් නවතා සුපුරුදු ලෙස 2018 නොවැම්බර් 6 වන දින දක්වාම රජ ගමනක යෙදෙනු ඇත.
අප රට කෙරෙහි අවධානය යොමු කිරීමේදී පසුගියදා බලංගොඩින් අතුරුදන් වූ දරුවාට සිදුවූ දේ පිළිබඳව යම්කිසි තොරතුරක් හෝ දරුවා පිළිබඳව යම් ආරංචියක් ලැබෙනු ඇත. බන්ධනාගාර හා ආරෝග්‍යශාලාවල ප්‍රතිසංස්කරණ කටයුතුවලට මෙන්ම වෙනත් සංවර්ධන කටයුතුවලට විදේශ පරිත්‍යාග ලැබෙන කාලයක් වේ. ධීවර කටයුතු ආශ්‍රිත පරිත්‍යාග ලැබෙන කාලයක් වේ. ධීවර කටයුතු ආශ්‍රිත ප්‍රශ්නයක් ඇතිවනු ඇත. ආරක්ෂක අංශවල දියුණුව වෙනුවෙන් රජය විශාල වැඩපිළිවෙළක් දියත් කරන වකවානුවකි. රට තුළ හදිසි රිය අනතුරු සිදුවීම් වැඩි වකවානුවක්ද වනු ඇත.
මේෂ - ඉතා යහපත්
ඔබට ඉතා යහපත් ඵල අත්වන අතර ඔබගේ කටයුතු සාර්ථක භාවයට පත්වනු ඇත. නව රැකියා බලාපොරොත්තු වන අයට මෙන්ම උසස් වීම් බලාපොරොත්තු වූ අයගේ ද අපේක්ෂා ඉෂ්ට වනු ඇත.
වෘෂභ - අතපසුවීම්
යහපත් ඵල අත්වන අතර ඔබගේ කටයුතු සාර්ථක වනු ඇත. ලේඛනයේ නිරත අයට ශුභඵල වර්ධනය වන අතර යම් යම් කටයුතු අතපසු වීම්ද සිදුවීමට ඉඩ ඇත.
මිථුන - ලේ දෝෂ
මිතුරන්ගෙන් ඔබට ගැටලු හා කරදර ඇතිවිය හැකි බැවින් කල්පනාකාරී වන්න. තමන් කරන කටයුතුවලට ද බාධා එල්ලවේ. හදිසි ශරීර පීඩා හා ලේ දෝෂ ඇතිවේ.
කටක - ව්‍යාපාර ලාභ
ඔබට යහපත් ඵල ඇතිවනු ඇත. අවිවාහක අයට මංගල යෝජනා ඇති වන අතර ව්‍යාපාරිකයන්ට ලාභ වර්ධනය වනු ඇත. මුත්‍රා ආශ්‍රිත පීඩාවක් ඇති වේ.
සිංහ - බොරු ආරංචි
කටයුතුවලට බාධා පැමිණිය ද එම බාධා මැඩගෙන කටයුතු කිරීමට ඔබට හැකියාව ලැබෙනු ඇත. බොරු ආරංචිවලින් සිතේ සහනය අඩු වනු ඇත.
කන්‍යා - ලිංගික ආකර්ශනය
විරුද්ධ ලිංගික ආකර්ශනයට අත්වන අතර රථවාහන ආශ්‍රිතව රැකියාවල නිරත අයට ශුභ ඵල වර්ධනය වනු ඇත. හදිසි අවේගශීලී කේන්ති ගතියක් ඇතිවිය හැකි බැවින් ඉවසිලිමත් වන්න.
තුලා - උරුම හිමිකම්
ඔබට ඉතා යහපත් වන අතර ඔබගේ කටයුතුවල වර්ධනයක් සිදුවේ. උරුම හිමිකම් ලබාගැනීමට ද ශුභ කාලයක් වේ. රැකියාවේද දියුණුවක් අත්කර ගත හැකි වකවානුවකි.
වෘශ්චික - සතුරන් පරදී
තාක්ෂණික කේෂත්‍රයේ මෙන්ම නිර්මාණ අංශවල නිරත වී සිටින අයට යහපත් ඵල අත්වේ. ඔබට එරෙහි සතුරු බලවේග පරාජය කිරීමට ද හැකියාව ලැබෙනු ඇත.
ධනු - කේන්තිය වැඩිවේ
තම ධනය රැකගෙන කටයුතු කිරීමට පෙළඹෙන වකවානුවක් වේ. ඔබගේ කටයුතුවලට විවිධ බාධා ඇතිවන අතර හදිසි කේන්ති ගති ඇති වියහැකි බැවින් සිත පාලනය කරගත යුතුවේ.
මකර - ව්‍යාපාර දියුණු වේ
යහපත් ඵල අත්වන අතර ඔබගේ කටයුතු සාර්ථක බවට පත්වනු ඇත. තමන් අලුතෙන් කරන්න යන ව්‍යාපාර ද දියුණුවට පත්වන අතර උරුම හිමිකම් ද අත්කර ගත හැකි කාලයක් වේ.
කුම්භ - සිතේ ප්‍රශ්න
එතරම් යහපත් නොවන අතර ඔබගේ සිතේ යම් යම් ප්‍රශ්න ඇතිවනු ඇත. පවුල් දිවියේ ද විවිධ ගැටලු උද්ගතවේ. ඇස් ආශ්‍රිත පීඩාවක් මතුවනු ඇත.
මීන - සමාජ සේවයට
ඔබට යහපත් ප්‍රතිඵල ලැබේ. භූමිය ආශ්‍රිත කටයුතු කරන අයට ඉතා යහපත්වන අතර සමාජ සේවා කටයුතුවලදී ද හිත මිතුරන්ගෙන් උදව් උපකාර අත්වනු ඇත.