දේශපාලනයට අලුත් මුහුණු: නායකයන්ට අප්‍රසාදය
2018 නොවැම්බර් මස 16 වැනි කිවි දින සවස 4.22 තම ස්වක්ෂේත්‍ර රාශියෙහි අඟහරුගේ නැකතේ වක්‍රව ගමන් කරමින් සිටි සිකුරු වක්‍ර ගමන් නවතා සුපුරැදු ලෙස ගමන් කිරීම අරඹයි. ඒ සමඟම 2018 නොවැම්බර් 17 වැනි ශනි දින වෘෂ්චික රාශියෙහි බුධටම අයත් දෙට නැකතේදී බුධ ග්‍රහයා ආපසු ගමන් අරඹා දෙසැම්බර් 7 වැනිදා වනවිට කිවි සුපුරුදු ගමනින් යාම ආරම්භ කරනු ඇත.
මෙම ග්‍රහ ගමන්වලින් සිදුවන විපාක පිළිබඳ අප රට කෙරෙහි අවධානය යොමු කිරීමේදී හොඳ හා නරක දෙකම සිදුවන බව කිව යුතුය.
ආරෝග්‍යශාලාවන්හි ප්‍රතිසංස්කරණ කටයුතු වෙනුවෙන් විවිධ පරිත්‍යාග ආධාර ලැබෙනු ඇත. ජනතාව බුද්ධියෙන් තොරව වැඩ කරන්නාවූ වකවානුවක් වේ. යම් යම් ප්‍රධාන පුද්ගලයන්ට එරෙහිව මහජනයාගේ අප්‍රසාදය සෘජුව ප්‍රකාශ කරන්නාවූත් කාලයකි.
බුද්ධිමත් උසස් කාන්තාවකට මාරක අත්වනු ඇත. තවද සංගීත ක්ෂේත්‍රයේ ප්‍රවීණයකුට ද මාරක යෙදෙනු ඇත. අධ්‍යාපන කටයුතු සම්බන්ධ ප්‍රශ්නයක් දුරදිග යයි. මහජනයා රුස්ව සිටින ස්ථාන ආශ්‍රිතව හදිසි ගැටුම්, පහරදීම් ඇතිවනු ඇත. ඉදිරි මැතිවරණය වෙනුවෙන් මුලදී දේශපාලනයේ නිරත නොවූ නවක තරැණයන් මෙන්ම ප්‍රසිද්ධ කාන්තාවන් ද ඉදිරිපත් වීමක් වැඩියෙන් සිදුවනු ඇත.
මේෂ - පවුලේ සමගිය
පවුල් දිවියේ සමගිය වර්ධනය වන අතර හවුල් හා ව්‍යාපාරික කටයුතු සාර්ථක බවට පත්වනු ඇත. ලියවිල්ලකට අත්සන් කර අමාරුවේ වැටිය හැකි බැවින් කල්පනාකාරී වන්න. උණ රෝග පීඩාවක් ද මතුවිය හැක.
වෘෂභ - සතුරන් පරාජය වේ
පවුල් දිවියේ සමගිය පළුදු වන වකවානුවකි. ව්‍යාපාරික කටයුතුවල නිරත අයට ද පාඩු අත්වනු ඇත. ඔබට එරෙහි පැවති සතුරැ බලවේග පරාජය කළ හැකි වනු ඇත. යම් යම් කටයුතුවලට විවිධ පාර්ශවවලින් බාධා එල්ල වේ.
මිථුන - කලාකරුවන්ට හොඳයි
විරුද්ධ ලිංගික ආකර්ශනයට ඔබව නතුවනු ඇත. කලා කටයුතුවල නිරත වී සිටින අයට ශුභ ඵල ගෙන දේ. ඔබට එරෙහිව පැවති සතුරැ බලවේගයක් හඳුනාගත හැකි වනු ඇත.
කටක - සේවා ගැටලු ලිහේ
අධ්‍යාපන කටයුතුවල නිරත වී සිටින අයට ශුභ ඵල අත් නොවනු ඇත. නව දේපලක් මිලදී ගැනීමට උත්සාහ දරණ වකවානුවක් වේ. සේවා ස්ථානය ආශ්‍රිතව පැවති ප්‍රශ්න රැසක් මඟහැරී යනු ඇත.
සිංහ - කෙටි ගමන්
සහෝදරයන් සමඟ මත ගැටුම් ඇතිවනු ඇත. ආර්ථික ලාභ අත්වන අතර, පවුල් දිවියේ සමගිය වර්ධනය වනු ඇත. අන් අය අතර කැපී පෙනෙන තත්ත්වයට ඔබ පත්වේ.
කන්‍යා - ආර්ථික ලාභ
සහෝදරයන් සමඟ මතගැටුම් ඇතිවනු ඇත. ආර්ථික ලාභ අත්වනු ඇත. පවුල් දිවියේ සමගිය වර්ධනය වනු ඇත. අන් අය අතර කැපීපෙනෙන තත්ත්වයට ඔබ පත්වේ.
තුලා - තැන්පත් ධනය වැය වේ
ඔබට යහපත් ඵල අත්වුව ද තැන්පත් ධනය හදිසියේ වියදම් වීමට ලක්වනු ඇත. පවුල් දිවියේ සමගිය වර්ධනය වේ. සේවා ස්ථානය ආශ්‍රිතව පැවති ගැටලුව මඟහැරී යනු ඇත.
වෘෂ්චික - වැඩවලට බාධා
ඔබට යහපත් ඵල අත් නොවනු ඇත. ඔබගේ කටයුතුවලට විවිධ බාධා ඇතිවනු ඇත. බුද්ධියෙන් තොරව කටයුතු කරන්නාවූත් කාලයක් වේ. තම කටයුතු සඳහා අන් අයගේ පිහිට ලබාගන්නාවූත් කාලයක් වේ.
ධනු - ජනප්‍රිය වේ
ඔබට හදිසි ලාබ අත්වන අතර සමාජ සේවා කටයුතුවල නිරත වී සිටින අයට ශුභ ඵල ද අත්වනු ඇත. ජනප්‍රියතාවයට පත්වනු ඇත. ඇස්වල පීඩාවක් ගෙනදේ.
මකර - රැකියා උසස්වීම්
ලැබීම් මාර්ගවලට බාධා ඇතිවේ. සේවා ස්ථානයෙන් උසස් වීම් අපේක්ෂා කළ අයගේ බලාපොරොත්තු ඉෂ්ඨ වනු ඇත. නව දේපලක් මිලදී ගැනීමට ද සුදුසු කාලයක් වේ.
කුම්භ - ස්නායු පීඩා
සේවා ස්ථානය ආශ්‍රිතව ප්‍රශ්න ඇතිවන අතර සන්නිවේදන කටයුතුවල නිරත අයට ශුභ ඵල අත්වනු ඇත. පවුලේ ඥාතීන්ගෙන් දුරස්ව කටයුතු සිදු කරන කාලයක් ද වේ. ස්නායු පීඩාවක් ඇතිවනු ඇත.
මීන - බාධා වැඩියි
ඔබට යහපත් ඵල අත්නොවන අතර ඔබගේ කටයුතුවලට විවිධ බාධා ඇතිවනු ඇත. යම් යම් කටයුතු අතපසු වී යනු ඇත. ලියවිලිවලට අත්සන් තැබීමේදී කල්පනාකාරී වීම වැදගත් වේ.
ජ්‍යොතිෂ නන්දන
ප්‍රවීණ ජ්‍යොතිෂවේදි ජ්‍යොතිෂාචාර්ය
රේණුක වික්‍රමසිංහ
සුවණැන ජ්‍යොතිෂ පර්යේෂණායතනය
ඔලබොඩුව, ගෝනපල